Happy Diwali 2013 Poems in English Essay By Student Speech

Happy Diwali 2013 Poems in English Essay By Student Speech

Deep Jalao, Khushi Manao
Aayi Diwali Aayi!

Raat Amaavas ki to kya,
Ghar-ghar hua ujaala
Saje kangure deepshikha se,
Jyon pehne ho mala
Man mutav mat rakhna bhai,
Aayi Diwali Aayi!

Jhilmiljhilmil bijli ki
Rang birangi ladiyan
Nanhe munne hathon main veh
Dil fareb phuljhariyan
Diwali hai parv milan ka,
Bharat milihin nij bhai
Chaurahe, mandir, galiyon main
Lage hue hain mele
Nazar pade jis or dikhe,
Bhare khushi se chehre
Chaudah baras baad laute hain,
Siyalakhan Raghurai
Diwali ke din hain jaise,
Ghar main ho koi shaadi
Andar bahar hoye safedi,
Khush amma, khush daadi
Govardhan ko dhare chhanguriya
Inhi dinan gosayin
-
Sau janam ka saath apna,
Sans ka dhadkan se jaise,
Aas ka jeevan se jaise,
Kaise kate saal solah,
Shyam ki jogan ke jaise.
Jhoot ke parde na dhoondo,
Sach kaho na .
Kuchh kaho na ..
Ek dooje ke liye ham,
Haath main kangan ke jaise,
Pyaas main sawan ke jaise,
Roop ko darpan ke jaise,
Bhakt ko bhag_van ke jaise.
Jheel si simtee na baitho,
Kuchh baho na .
Kuchh kaho na ..
Jaanata hoon thak gayee ho,
Umr ke lambe safar se,
Saanp se dasate shahar se,
Aas se aur aansuon se,
Bheed ke gahare bhawanar se.
Waqt firata hai suno,
Itna daro na .
Kuchh kaho na ..
Kis tarah ladatee rahi ho,
Pyaas se parchhaiyon se,
Neend se , angadaiyon se,
Maut se aur zindagi se,
Teej se ,tanahaiyon se.
Sab tapasya tod dalo,
Ab saho na
Kuchh kaho na !!
-
Aayaa tyohaar Diwali ka
Bachcho ki khushhali ka
Bablu kahate papa se
Mujhako PC lana hai
guriya kahati mammi se
hame sitar bajana hai
papa bare achambhe me hai
ye mausam kangali ka
Aayaa tyohaar diwali ka

Bibi kahati pati dev se
Jab bonus tum paayoge
Sabse pahale haar sunahara
La mujhako pahnaao ge
Pati dev to mook bane hai
Rupaya denaa udhaari ka
Aayaa tyohaar diwali ka

Sab ki farmaish se tang huye hai
Bablu guriya ke papa ji
Patni to sir chadh kar bole
Kabhi na kahati aao ji
Ab bhaag na sakate papa ji
Jo theka liye rakhwali ka
Aayaa tyohaar diwali ka
-
Deepon ki pankti mein hansti,
diwali ki raat hai aayi.

Deepa, Raju ne mil-jul kar,
ghar, aangan ki kari safaayi.

pooja ki thali mein sajte,
mewa, kumkum, phool, mithaayi.

phooljhadi naache matwaali,
naache firki aur hawaayi.

khil khil karte hanse anaar,
bambon ne hai dhoom machaayi.

punya sada jeet hai jag mein,
yahi to hai atal sachchayi.

prem pyar ka bhaav bataati,
diwali ki raat hai aayi.